網紅的藏寶箱呢頂帽，陪過我上山下海。
亦都係因為佢，我先開始戴cap帽。
我面型唔好，好多cap帽都戴到自己好怪，所以人生對於揾一頂好嘅cap帽永遠抱住一種堅持同固執，勁挑剔。我戴過嘅cap，最靚嘅帽型係呢個，加上布料夠挺，每次戴佢出街，係會有人專登走嚟問呢頂帽邊度有得賣？好可惜，佢斷晒貨，我揾到去佢個製造商，買埋世上最後嗰批。但幾年間，我又行山又出海，戴戴下最後嗰幾頂都終於要bye bye。
到最後我決定自己揾返個品牌聯絡，問佢攞個版型、去深水埗買布，做返一頂我至愛嘅cap帽出嚟。又因為我根本唔想通街都係，所以我做得好少，少到目標係自己長用長有，不過都仲有少量可以俾有心人去買。
點解强調係有心人呢，因為對cap帽帽型有要求嘅人，真係會明白鴨舌位置同帽嘅挺身程度有幾重要。再加上因為我真係出海會用，所以我改咗用魔術貼去調較鬆緊。
如果你要洗頂帽，請勿用手扭乾，你揾水沖下，再平放晾乾就得。唔好問我入唔入得洗衣機，因為我唔會咁做。佢個布料唔吸水，但亦唔係防水料嚟，只係落海冇問題。
另外係鴨舌位用咗比較浮水膠片，私心因為去wake surf都想佢浮得起我執得切(但我會加防風clip扣住佢响自己件泳衣)
鴨舌位方面强烈建議你自己再整到佢curve啲，弧度調整下，更靚。
我真係好喜歡佢。
“love you to the sun”
“And back.”
售賣點：
@whimsylaboratory
因為我完全冇諗過要賣，到最後我將多咗嘅貨擺晒響我個妹舖頭，希望大家唔好煩到佢，不設預留、不設網賺，直接上去買，得好少😂對唔住因為我冇錢做大貨。
Enjoy!!!!
📷 of me @calvinso_
Search